Bteng ka tnat shipai BSF ban aijingïarap sha ki nongshong shnong ha ki thaiñ khappud

Shillong, Lber: Ka tnat shipai Border Security Force (BSF) Meghalaya ka la bteng ha kaba ïadei bad ki kam aijingïarap sha ki nongshong shnong ha ki thaiñ khappud ha kaba hynne ka sngi ruh ki BSF na ka 100 Bn ki la sam ïa ki jingïarap bapher bapher sha ki nongshong shnong ha ki thaiñ khappud ba pajih ha Killapara, West Garo Hills District, kata shibynta jong ka ‘Civic Action Programme.’
Ha kane ka prokram ki shipai BSF ki la sam ïa ki tiar ki tiar kum ki kor computer, ki ban ki miej, ki syntex, ki jingpynkhuid um bad kiwei pat na ka bynta ban kyntiew hapdeng ki khynnah skul bad ki nongshong shnong jong kane ka thaiñ khappud.
“Na ka liang kane ka tnat shipai ka don ïa ka jingkut jingmut na ka bynta ban ïarap ïa ki nongshong shnong kiba mad jingeh, khamtam kito kiba shong ha ki thaiñ khappud lyngba ki jingïarap bapher bapher. Ngi sngewkmen shibun ban ïoh ïa ka lad ban shakri ïa ki nongshong shnong ki jong ngi la kalong ha kano kano ka rukom bad kine ki kam aijingïarap kin dang ïai bteng nangne sha khmat,” ong u Comman dant ka 100 Bn BSF.