Jowai, Nailar 19: Ka Meghalaya State Skill Development Society (MSDDS) hapoh ka tnad Labour, Employment and Skill Development jong ka sorkar jylla, kila bteng ban pynlong mynta ka sngi 19 tarik Nailar ïaka Phase II Recruitment Drive sa ha shnong Iooksi (Kyanmynsar) West Jaiñtia Hills District.
Ïa kane ka Phase II Recruitment Drive kala poi sha ka sngi kaba ar mynta ka sngi na ka bynta ban pynrung kyrteng ïa ki khun samla ka District ba kin leit trei ïa ki kam katba ki sngewbit ha kylleng ki jaka bad shabar kumjuh, kaba la sdang ban ai jingbatai naduh mynnin ka sngi ha Jowai.
Haduh kumba 127 ngut ki samla pule ki la wan poi sha kane ka jingpynrung kam mynta ka sngi da ka jingthmu ban pynïoh kam ha ryngkat ki jingai jingbatai babniah da ki riew shemphang halor ki kam bapher bapher. Ïa kane ka jingpynrung kam la pynlong ha kylleng ki jaka khnang ban kham pynsuk shuh shuh ïa ki samla pule kiba don jingmut.
Kane ka Recruitment Drive kan bteng biang haka 21 tarik u Nailar, 2026 ha Nongtalang Khlashympa Community Hall.
