SHILLONG, Nailur 25: Ka Mylliem Lum ka la bteng ïa ka jingjop ba paka sha ka ar sien lynter ha ka Group B ha ka lympung First Division 2026 jong ka Shillong Sports Association, da kaba pynliem 2-0 ïa ka Ryntih SC hynne ka sngi Thohdieng ha SSA Ground. Baroh ar tylli ki kol la thep da u Eliasstar Nongsiej, kaba nyngkong ha ka minit ba 74, nangta kaba ar ha ki minit pynjlan shuwa ban kut (90+3’). Da kane ka namjop, ka Mylliem ka lamkhmat ïa ka Group B da 6 poiñ. Ka jingïakhun SSA 1st Division 2026 ha kane ka sngi Saitjaiñ (26.09.2026) kan long ha ka por 12:15 baje mynsngi ha SSA Ground, hapdeng ka Pohkseh SC pyrshah ïa ka Mawkhar SC.
