Nongstoiñ, Naiwieng 10: Kum shibynta ban pynmih pisa na ka bynta ka shlem ka pule puthi jong ka Balang Presbyterian, ki bor nongpynïaid ka Synod College Nongstoiñ ha ka sngi hat majai ka la pynlong da ki program bapher bapher kiba kynthup naduh ïa ki jingïadie ïathied, ha kaba la ïohi ruh ïa ki stall jong ki jingbam jingdih, ki jingdie ïa ki jhur ki jhep, ki jaiñ ki nep bad kiwei kiwei.
Katei ka Fund Raising Committee ka la pynlong ruh ïa ka Sales of Work ha madan New Nongstoiñ ha kaba u Rev J.L.Mawlong Ex Moderator Khasi Jaiñtia Presbyterian Synod Sepngi, u la ïoh ban pyllait ïa ka kot ban Nang kumno ban kren subject ne Sermon, ban pyndonkam ïa ki jingïathuhkhana, ban long shongknor ban long secretary, ban pule sdang ha ki jingïaseng bapher bapher, ban duwai bad ai jingkyrkhu pynwai bad ki lai tylli ki sngi u Blei ba kyrpang.
Kine ki dei ruh kiba la thoh da u Rev S.S Majaw President Governing Body Synod College Nongstoiñ bad Ex Moderator Khasi Jaiñtia Presbyterian Synod Sepngi. La pyllait paidbah ïa ka kot ha ryngkat kaa jingdonlang I Bah Rodick L. Mawlong da ka jingïadon ryngkat I Dr R.M Lyngdoh Principal jong ka Synod College Nongstoiñ.
Ha kane ka sngi la pynshit pynshngaiñ shuh shuh na ka Balang kaba la pynlong ruh da ka jingpynïalehkai Football, ha kaba ki Pastor ki la ïakhun pyrshah ïa ki Tymmenbasan kiba dei ruh na ki 14 tylli ki Presbytery ka Nongstoiñ Zone. Ha katei ka jingïalehkai ki tymmen basan ki la lah ban thep shi kol pyrshah ïa ki Pastor bad ki la ïoh ban rah syndon ïa ka nam jop.
Ha kane ka sngi la don ryngkat ruh u bah Juristman Ïawphniaw MDC ka Nongstoiñ Constituency, u ba la wan ban long kum u kongsan ryngkat ka jingïadonlang u Rev. N.K Nonglang, Rev T.T Diengdoh, Rev S.S Majaw Chairman ka Fund Raising Committee, Synod College Nongstoiñ, Rev K.B. Snaitang, Rev J.T Khardewsaw bad kiwei.
