Nongstoiñ, Jylliew 21 : Ha ka sngi palei ka 20 tarik u Jylliew, u Pyush Dogra u stad mariang ba rangbah jong ka World Bank u la hiar sha Nongshillong Eastern West Khasi Hills, ban plie paitbah ïa ka Natural Resources Management Library ha Nongshilong.
La synran lang ïa u kongsan da kiwei pat ki heh sorkar ba kynthup ïa u Gunanha DB, IFS Addl project director CLLMP ka jylla, bah G.Kharmawphlang IAS Deputy Commissioner Eastern West Khasi Hills bah W.R.Masar MCS BDO Mawthadraishan Block bah T.Jude Deputy Direstor & Project management CLLMP, bah I.Pakynteiñ District Project Manager DPMU CLLMP West Khasi Hills bad kiwei kiwei ki heh sorkar.
Ha katei ka sngi hadien bala plie ïa katei ka Library, la pynlong ïa ka jingïalang hapoh jong katei ka hall ha kaba la ïadon ryngkat da u Syiem ka hima Mawïang u Pa’iem N.Syiem ki Myntri, ki Lyngdoh, ki Basan ki sordar shnong ki longkmie, ki nonghikai jong ki skul kiba don ha katei ka thaiñ bad ki nonghikai.
U Syiem ka hima Mawïang u la pynsngew ruh ïa ka jingpyntreikam ïa ki project ba la bei pisa da ka World Bank naduh ba sdang haduh kine ki sngi, ha kaba ka jinglut ha kaba pyntrei ïa baroh ki project na ka bynta ka jingmyntoi jong ki paitbah nongshong shnong ka thaiñ.
Haba pynsngew ïa ka jinglut jingsep ha kaba shna ïa katei ka Natural Resources Mangement Library ka jinglut ka la kot haduh khatwei lak tam, ha kaba shiphew lak la bei pisa da ka World Bank. Katba shi lak tam pat la pynmih hi da ki nongpynïaid bad ki nongtrei jong ki project bapher bapher, ba kynthup ïa ki check dam, ka jingshna ïa ki tyllong um bad kiwei kiwei.
Ha katei ka jingïalang la ïoh ruh ïa ka jingkren na u Pyush Dogra, u Gunnaka bad u bah I.Pakynteiñ, haba kaba ki la ong ba ka jingbei pisa jong ka World Bank ban shna ïa katei ka Library ne ka ïing ban lum thup ïa ki kot ba bun jait kiba la thoh da ki riew stad, ka long ka jingmyntoi kaba khraw ïa ki samla ka thaiñ, khamtam eh ïa ki khynnah skul kiba kwah ban tip bniah shaphang bun kiei kiei kiba la thoh ha ki kot.
Ki la ong ruh ba ha katei ka Library kin don ruh shibun ki kot kiba batai bniah shaphang ka jinglong jingman jong ka mariang. Kumjuh ruh ki jingbatai shaphang ka jingïadei kaba jan ka jong u briew bad ka mariang, kumno ban pynneh pynsah ïa ki jingdon jingem kiba ker sawdong ïa ngi.
Nalor kata ha katei ka Library yn lum thup ruh ïa ki tiar ki tar tynrai kiba la ju pyndon kam da ki longshuwa, ki khana pateng bad kiwei kiwei.
Ha katei ka sngi ka Parïong Presbyterian secondary school, ka la noh synñiang ruh da ki kot ban buh ha katei ka library na ka bynta ba ki samla bad ki khynnah skul kiba wan kin ïoh ban pule
