Rakhe ka Ophis DMHO ïa ka world no tobacco day ha Mairang ryngkat ka jingïaid proseshon

Mairang, Risaw 06: Kum ka jingïasnoh kti lang bad ki paitbah ka pyrthei shityllup ka ophis jong ka District Medical and Health Officer (DM&HO) West Khasi Hills District, ha ryngkat ka Jingïatreilang bad ka Ophis jong ka Deputy Commissioner Eastern West Khasi Hills District, ka la rakhe ïa ka sngi kyrpang kaba la tip kum ka world no tobacco day lane ka sngi ban pyrshah ïa ka jingdih duma. Ka phang jong ka jingrakhe ïa katei ka sngi ka long jingrakhe ïa katei ka sngi ka long halor ka long halor ka phang “Unmasking The Appeal -Countering Nicotine and Tobacco Addiction.”
Nalor kata ha katei ka jingrakhe la pynlong ruh ïa ka jingïaid proseshon kaba la sdang na ka ophis jong ka Deputy Commissioner Eastern West Khasi hills kaba don ha Mawsawa ter ter lyngba ka surok bah NH 44E bad la pynkut noh ha Tirot Sing Memorial Hall Pyndengumiong Mairang.
Ha kane ka Rally la wan ban shim bynta da ki khynnah skul na ki skul bapher bapher jong ka District, ki nongtrei ka koit ka khiah, bad ki riew paidbah ki la ia snohkti lang ha ryngkat bad ki placard kiba don ia ki jingthoh ban kyntu ia ki paidbah nongshong shnong ban iehnoh ïa ka jingbam bad jingdih duma. Ka jingthmu jong kane ka prokram ka long ban pynsngewthuh paidbah bad pynshai halor ki jingma bad ki jingpang kiba shyrkhei kiba mih na ka jingdih bad ka jingbam duma kum ka jingpang cancer, jingpang klongsnam, bad kiwei. Shuh shuh ha katei ka sngi la pynlong ïa ka ka jingialang ba Kyrpang ha Tirot Sing Memorial Hall Pyndengumiong, ha kaba ka kong Anita Kharpor Deputy Commissioner jong ka Eastern West Khasi hills district ka la long ka Kongsan.
Ha katei ka jingïalang kiwei pat ki ophisar sorkar kiba la ïadon ryngkat ki long u Bah G. W Lyngdoh Superintendent of Police Eastern West Khasi hills district, ka Dr. N. Mawrie State Nodal Offcer NTCP and NOHP, ka Dr. L. L. Mawsor District Nodal Officer, kiwei ki Ophisar Sorkar, ki Doctor, ki nonghikai ryngkat ki khynnah skul.
Ka Deputy Commissioner haba kren kum ka kongsan ha katei ka jingïalang ka la pynshai ba ka jingktah na ka jingbam duma ne jingdih ïa u duma, ka long kaba shyrkhei bha bad kine ki prokram kiba la pynlong ban ïaleh ban pynduh jait ïa ki jingkyrni na ka jingdih bad bam duma ka la ïaid mynta la bun bun snem. Ka la pynpaw ba ki la don bun ki Awareness prokram bapher bapher kiba la pynlong na ka bynta ban rat dyngkhong ïa kane ka jingkyrni ha ki jingmlien ba sniew ka la ïarap ban pynsngewthuh ïa ki paidbah bad ka la don ka jingkylla ha ki briew ban ieh ïa u duma bad kane ka la long ka nuska ïa kiwei pat.
Ka la ong ruh ba ka long kaba don kam eh ban pynsngewthuh ïa kane ha la ïing, ne ha shnong ha thaw khnag ba kin sngewthuh ïa ki jingma kiba jia ïa kiba pyndonkam ia u duma. Ka la kyntu ia ki khynnah skul ba kin pyndonkam ïa ka jingnang jingtip kaba ki ioh na kum kine ki prokram ban kren sha kiwei pat ki paramarjan, kiba haiing hasem, ki paralok kiba ju mlien ban dih duma ba kim dei ban dih duma ha ki jaka paidbah, kali paidbah namar ba ka ktah ym tang ïa ki hynrei ïa kiwei ruh.
Ha katei ka sngi la sam ruh ïa ki khusnam sha ki nongjop ha ka jingïakob Thoh Slogan bad ka TVF Initiative Competition jong ki skul kiba la ïashim bynta ha katei ka prokram.