Baroh san snem ka BJP ka sngap man-man halor ka bamsap ka MDA namar ka donkti lang: Elgiva Rynjah

Shillong, Rymphang 18: Ka kyrtong jong ka TMC na North Shilliong ka Elgiva Rynjah ka la takraiñ tyngeh ïa ka jingkynnoh u Amit Shah uba dei u Myntri kam poh ïing ka sorkar pdeng ba ka jylla Meghalatya ka dei kaba hakhmat duh ka kam bamsap, bad ong ba kane ka jingkynnoh u Amit Shah ka dei tang ka buit pynbiej paidba namar ha baroh 5 snem jong ka jingsynshar ka MDA ka BJP ka snagp man man namar ka sngewthuh ba ka ruh ka don kti lang.
“Kane ka dei ka jingleh arsap suda ka BJP namar ha kine ki san snem ka don bynta lang ha ka MDA bad ka don ktoi lang ruh ha ki kam bamsap hynrei mynta ba la wan ka elekshon kynsan kynsan ka mih ka jingkynnoh bamsap. Lada ka BJP ka ïohi ba ka don ka bamsap balei kam leh eiei ha kine ki san snem da kaba phah ïa ki kynhun tohkit halor ka bamsap,” buh jingkylli ka Elgiva Rynjah.
Lada ka BJP ka nud ban pyni ba kam bamsap tohkit noh naduh mynta bad kynthup ïa kito ki MLA kiba don lang ha kane ka sorkar MDA bamsap kumba u Amit Shah u la kam,” ka la ong.
Ka la kynnoh ruh ba kane ka buit ka BJP ban thet kti ïa ki kam bamsap ka dei tang ka drama saiñ pyrthei suda ban ïoh jingshanai na u paidbah da ka buit shukor.
Shuh shuh ka la kynoh ruh ba ka BJP ka dei ka party ba bamsap tam ha baroh kawei ka ri bad kaba mlien ruh ba ka BJP ka long ka party ba jur bha ka jingwanrah jingïasngew pher jaidbynriew.
“Ka BJP kan mad ïa ka jingshah rem kaba khraw bha ha ka jylla namar ki paidbah ki la sngewthuh ïa ka buit poh jong ka BJP,” ka la ong.