Sngew myllung ba kat u Home Minister un wan ong ba ka Meghalaya ka dei kaba jur tam ka bamsap: JA Lyngdoh

0

Shillong, Rymphang 18 : U kyrtong ka Congress na Shillong, North, Bah JA Lyngdh u la ong ba ki sngew myllung haduh katta katta ban ïoh sngew ba Myntri ka tnad Kampohiing ka Ri, u Amit Shah ha ka jingkren jong u ha rilum Garo u la kynnoh ba ka Meghalaya ka wan ba nyngkong eh ha ki kam bamsap ha ka Ri baroh kawei.
“Wat kynnoh ïa ka Meghalaya kadei ka sorkar MDA. Ka BJP ruh ka donlang bad kumta la kynnoh dalade ïalade, UDP, HSPDP, PDF ka ngat bad ka NPP kaba dei ka nongïalam,” u la ong.
U ong ruh ba dei ki nongïalam ha kane ka sorkar kiba la kam ba dei tang kane ka sorkar kaba lah ban trei bha ha ki san snem ïa kaba kiwei pat ki sorkar ki khlem lah ban trei ha ki 45 snem mynshwa.
“Nga sngew myllung ïa ki nongïalam kum u (L) Captain WA Sangma, (L) Purno Sangma, (L) BB Lyngdoh, (L) Dr. Donkupar Roy, EK Mawlong, JD Rymbai, DD Pugh. Kine ki Myntri Rangbah ba la khlad tangba ki la shakri ïa ka ri. Phi nud ban ong ba kham lah mangi san snem jong ka MDA ban ïa kitei ki khraw pyrkhat ki proh jabieng,” u la ong.
Shuh shuh u la ïathuh ruh ba ha ki 15 snem kum u nongmihkhmat bad kum u Myntri sorkar um pat ju don dak sniew ei ei bad um ju ailad ruh ïa ka bamsap ba kan ïoh jaka.
“Ngi kular ban ai ïa ka jingsynshar kaba lait naka bamsap lada ka Congress ka wan ha ka bor,” u la bynrap shuh shuh.
Shuh shuh u la ong ruh ba ka ishu khappud kan ktah haduh katta katta ïa ka NPP ha rilum Garo. U la kam ruh ba ka Congress kan sa ïoh 11 ne 12 seat na Garo Hills bad ba ka jingïakhun kan dei noh bad ka TMC ym shuh bad kiwei pat.

Leave A Reply

Your email address will not be published.