Ba shim shuti ka Doktor kynduh jingeh ki nongpang bad nongshim dawai ha CHC Namdong

Jowai, K’Lyngkot 04 : Hadien ka jingkynduh jingeh jong ki paidbah nongshim dawai na ka CHC Namdong West Jaiñtia Hills, na ka liang ka Khasi Student Union (KSU) Namdong Area Unit mar mar kala leit ban tuklar ïa kane bad la lap ba ka doktor kaba dei peit ïa katei ka jaka sumar kam don satia ha katei ka CHC la shi bnai mynta na ka jingshim shuti.
Halor kane na ka liang ka KSU Namdong Area Unit ka dap da ka jingsngewdiaw mynsiem haba ïohi, kat ka PHC kaba la dep ban kyntiew kyrdan sha ka CHC sngew lehraiñ ban ong hadien bala dep upgrade ym don tang iwei i doctor ha kane ka jaka ai jingsumar, ki staff badon hangne ruh kim lah ban pdiang nongpang namar ba ym don doctor.
Ka seng kala dawa naki bor ba halor lyngba ki lad pathai Khubor ba ka sorkar ka dei ban peit ïa kane ka jingeh bad ban pynbiang mardor ïaki Doctor bad ki staff Nurse bad kiwei kiwei ki jingdonkam ha kane ka jaka ai jingsumar lem kumta ka seng kala kren shai ba kam banse ban khang syndon da u tala.
Shuh shuh ka seng kam hun tang ïaka building baheh khlem ki nongtrei ba biang, katkum ki procedure trei kam jong ka PHC dei ban don ar ngut ki doctor hynrei katba ha Namdong tang iwei ruh ym don, la buh jingkylli ka seng ha ka kyrwoh ba la phah da u General Secretary samla Juhhi Tariang.