Khliehriat kyllalyngkot 4: Kum ka dak ka jingsngewlem, ka Khasi Students Union East Jaiñtia Hills District myn ha ka 31 tarik u nohprah ka la leit ban theh jingiarap ïa ka longiïng jong u Tbn S.Thoo kaba la ngat ha ka apot jingpuluh ïing kaba la jia myn ha ka 30 tarik u nohprah 2022 ha ka shnong Umshong bad la ong ba ka ding kaba klang ka la bamduh lut ploiñ ïa baroh ki jingbuh jingsat kiba don ha ïing bad ka la long ka jingduh kaba khraw ïa katei ka longiïng, donbok pat ba kam shym la don kano kano ka jingduh ki mynsiem briew.
Ka seng ka la noh jingïarap da ki tiar ïing, kum ki tiar shet bad tiar bam, ki jaiñ kup thiah bad kiwei kiwei ki jait tiar, ki nongialam jong ka KSU East Jaiñtia Hills District kiba la lam khmat ha kaba leit ai jingiarap ki kynthup u General Secretary, u bah Kwilnis Suchiang, u Finance Secretary, u bah Shaniahshkem Dkhar, Organising Secretary, u bah Deiniwan Lyngdoh, Sport Secretary, u bah Shwari Ryngkhlem, Publicity Secretary, u bah Hamewanpynhun Ryngkhlem lem bad ki dkhot.
