Shillong, Nailar 28: Namar ka jingjur kyrhuh u pyrthat bad na ka bynta ka jingshngaiñ jong ki nongïalehkai, ka SSA ka la pynsangeh noh ïa ka jingïakhun Shillong Premier League 2026 kaba la thmu ban pyndep hynne ka sngi Thohdieng hapdeng ka Laitkor bad ka Langsning.
Kumta ïa kane ka jingïakhun la pynkynriah noh sha ka 02 tarik Nailur ha ka por 1 baje mynsngi, la pyntip u Match Commissioner bah Freddy Kharpran.
Ka jingïakhun kaba bud kaba la buh kan long ha ka sngi Nyngkong, 31 tarik u Nailar, hapdeng ka Nangkiew Irat pyrshah ïa ka Mylliem ha ka por 3:40 baje nohphai sngi ha SSA Stadium. Ka Nangkiew Irat ka don mynta ha ka kyrdan kaba san ha ka miej da kaba kamai 4 point katba ka Mylliem ka don ha trai duh khlem pat kamai point.
