Jowai, Nailar 28: Ka ophis jong ka District Sports Officer (DSO) West Jaiñtia Hills District mynta ka sngi thohdieng kala pynlong ïa ki ar tylli ki jingïalehkai tynrai kata ka ‘Dat Mawpoin’ bad ka ‘Tan tylli’ ha madan jong ka Kiang Nangbah College Jowai shi bynta naka Nationwide Celebration of Sports, Spirit & Unity.
Ha ka jingïakop Dat Mawpoin jong ki khynnah shynrang la jop da ka Tome Memorial Higher Secondary School da kaba pynliem ïa ka Q.C Springside Higher Secondary School. Ha ka liang ki kynthei la jop da ka Jowai Presbyterian H/S School kaba la pynliem ïa ka Q.C Springside H/S School.
Ha ka jingïalehkai Tan tylli ha ka liang ki shynrang la jop da ka Jowai Presbyterian H/S School da kaba pynlim ïa ka K.J.P Synod Mihngi H/S School. Katba ha ka liang ki kynthei la jop da ka K.J.P Synod Mihngi H/S School da kaba pynliem ïa ka Jowai Presbyterian H/S Schoolkala
Ha kane ka sngi la wan ban donlang naduh ka kong Linza F Syiem kaba dei ka District Sports Officer, WJHD, bah K. Sohlang, UDA (DSO), ka kong Ioodameka H Lytan, Principal Jowai Presbyterian H/S School, Jowai, u ma P. Sariang, Teacher Incharge Q C Springside H/S School, Jowai nalor kiwei de.
