Jowai, Nailar 28: Ka Mukhla Sohshrieh, ka Good Will SC Mupliang bad ka Kremmyrsiang SC ki la jop ïa la ki jong ki jingïalehkai ka lympung (L) Joybell Suiam Memorial Football League 2026 Second Division bala pynïaid da ka Thadlaskieñ Sport Association, kiba la long hynne ka sngi Thohdieng ha madan Wahiajer Multi Sports Complex Stadium.
Ha ka jingïakhun kaba nyngkong, ka Mukhla Sohshrieh kala jop da 3-1 pyrshah ïaka Mainroad Nartiang. Ka Mukhla Sohshrieh ka la pynkhihjar lyngba u Anikis Sana (3’) bad u Albious Sari (27 & 48’), katba ka shikol na ka Mainroad Nartiang la thep da u May Nongtdeh (64).
Nangta ka jingïakhun kaba ar, ka Good Will SC Mupliang kala pynliem noh da 2-1 ïaka Thadmynri SC. ïa kine ki ar kol na ka Good will SC la thep da u Molify Sna (12’) bad u Kitbok Papiah (16’), katba ka kol na ka Thadmynri SC la thep da u Holinzon Muruh (47’).
Khatduh ha ka jingïakhun kaba lai, ka Kremmyrsiang SC kala pynliem da tang 1-0 ïa ka United SC, bad ïa kane ka namtam la thep da u Jubab Myrboh (35’).
La pyntip ka jingïakhun ha kane ka sngi Saitjaiñ (29/08/2026) ki long: Por 9 baje shiteng mynstep ka Mukhla Veterans pyrshah ïaka Lumkynsaw SC, katba haka por 11 baje shiteng mynstep ka Christian Club Namdong pyrshah ïaka Myntoilang FC Bamkamar.
