Jowai, Nailar 28: Ka jingïalehkai phubol jong ka kyrdan 3rd Division 2026 League Stage bala pynïaid daka East Jaiñtia Hills District Football Association (EJHDFA) kaba la long hynne ka sngi Thohdieng (28 tarik u Nailar, 2026) ha madan Artificial Ground Diengshynrum, Khliehriat.
Ha ka jingïakhun ba nyngkong mynta ka sngi ka Youth SC Pyrtakuna kala jop da 1-0 kol ïaka Dongumsngad SC Byndihatim, ïa katei ka shikol na ka Youth SC Pyrtakuna la thep da u Michael Massar haka minit ba 50.
Katba ha ka jingïakhun kaba ar ka Rymbai Pohskur SC kala jop da 3-1 kol ïa ka Musniang Rim SC, ïa ki kol na ka Rymbai Pohskur SC la thep da u Deilang Dkhar haka minit ba 20, u Sanhame Bareh haka minit ba 59 bad u Rivaldo Lyngdoh haka minit ba 73. Ïa ka shikol na ka Musniang Rim SC la thep da u Lamphrang Dkhar haka minit ba 18.
