Nongpoh, Nailar 05: Ka seng Ri-Bhoi People’s Council (RBPC) mynta ka sngi kala leit ban ïakynduh ïa u Deputy Commissioner ka Ri-Bhoi District u A Baranwal ba dei ban ailad bad phaikhmat shuwa ïaki samla naka district haka thungkam District Selection Committee naka bynta ki post bapher bapher.
Ka seng hapoh ka jingïalam u samla Jayson Lennox Nongrum President, Samla Mission Tron Vice President u samla Vincent Sohkhwai Secretary bad kiwei kiwei ki dkhot kila aiti ruh da ka dorkhas sha u DC ka Ri-Bhoi ban phai khmat shuwa ia ki post DSC na ka bynta ki samla trai District kumba long ha East Khasi Hills District la pynpaw shai kdar wat ha ka advertisement ba ka jingthungkam thungjam ïa ki post DSC kin kham phai khmat shuwa ia ki samla ba dei trai na ka District.
Haba kren bad ki nongthoh khubor, u samla Jayson Lennox Nongrum, President ka RBPC, u la ong ba ka daw kaba la pynlong ia ka seng ban leit kynduh ia u Deputy Commissioner ka Ri Bhoi, ka dei halor ka Nongrim ba kum ka seng ka angnud ba ka jingthungkam ha ki post DSC bapher bapher, dei ban phaikhmat shwa ia ki samla trai District kum ka result DSC yn sa pynbna noh shen.
U la ong ruh kumba long ha East Khasi Hills, la pynpaw shai kdar ha ka Advertisement ba ia ki post DSC kin kham phai khmat shuwa ia ki samla trai district bad kumba long ha East Khasi Hills dei ban long lang ruh kumjuh ha Ri Bhoi District bad kyrpad ruh ïa u DC ba lada pynmih kino kino ki jingpynbna thungkam haka DSC dei ban kdew shai ban pyrkhat shuwa ïaki trai district.
U la pynpaw ruh ba kane ka jingiakynduh ia u Deputy Commissioner ka Ri Bhoi ka la long kaba seisoh, namar na ka liang u Deputy Commissioner ka Ri Bhoi u la kular ban shimkhia ïa katei ka kam ban kham pyrkhat shuwa ïaki trai district haka thungkam DSC.
