Ai jingthoh ka HBDRF ha u DC ban pynneh ïa ka shongsuk shong saiñ ha Block-1 Por Elekshon

0

Jowai, K’Lyngkot 27: Ka Hynñiewtrep Border Disputed Redressal Forum (HBDRF) mynta ka sngi haka jingïalam u Chairman jong ka u Chandame Sungoh bad u Thmulangki Sayoo ka la leit ai daka jongthoh ha u Deputy Commissioner jong ka West Jaiñtia Hills District haka jingïadei bad ka shongsuk shong saiñ ki Khasi Pnar kiba shong ba sah ha Block -1.
Ka Forum ka pynpaw ba haki por Election bala dep ka shait don ka jingmaham ka jingpyntieng pynsmiej bad ka jingpyndik ïaka leit ka wan jong ki Khasi Pnar kiba shong basah haka ne ka thaiñ daki briew bad ki kynhun jong kawei pat ka jaitbynriew.
Kumta ka Forum ka kyrpad ïa U Deputy Commissioner ba un shim khia ban ïakren bad u Deputy Commissioner jong ka West Karbi Anglong District ban pynneh pynsah ïaka aiñ ka kanun bad ka shongsuk shong saiñ khnang ba kan ym don shuh ka jingpyntieng pynsmiej bad ka jingpynthud jingpynwit haka leit ka wan jong ki paid Khasi Pnar hapoh kane ka por Election MDC jong ka Jaiñtia Hills Autonomous District Council bad haduh ka sngi thep vote haka 21.2.2025.
Halor ka ne naka liang u D.C ruh ula kular ban shim khia ïa kane ka kam ban wanrah ka shongsuk shongsaiñ ki Khasi Phar ha Block-1.

Leave A Reply

Your email address will not be published.