Ai jingkyrshan ka HANM ban Review noh ïa ka Reservation Policy ba wanrah u bah Ardent

Jowai, Ïaïong 02: U President ka Hynñiewtrep Achik National Movement (HANM), Jaiñtia Zone u samla Shaniahlang Suchen ha kane ka sngi saitjaiñ ula ong ba ka seng ka ai iaka jingkyrshan ba pura bad ka issue ba wanrah da u bah Ardent Miller Basaiawmoit (MLA), ba ka la dei eh ka por ban “Review noh ïaka Reservation Policy” kaba noh shiliang palat haba phai sha ka por kaba mynta bad ïaka “Rooster System” ruh hap ban pynsangeh shuwa.
Utei u President ula bynrap ruh ba ka Khasi Jaiñtia mynta haba ïanujor bad kiwei ki paid hapoh ka Bri Hynñiewtrep kala bun palat te ym ïahap shuh ban ïa ai mar kajuh, u ong ruh ba na ka liang ka seng ka pan ruh ka jingkyrshan na ki MLA Khasi Jaiñtia ban kyrshan lem ïa kane ka jingdawa jong u bah Arden kaba ïa dei bad kane ka Reservation Policy, ula ong ba kane ka dei kaba donkam eh na ka bynta ka lawei jong ka jaitbynriew.
Shuh shuh u ong ha kaba ïa dei bad ka jingpynrem ki sengbhalang napoh rilum Garo kiba kren pynrem ïa u bah Arden ha kaba ïadei bad ka bhah kam bhah jam kaba u la wnrah hapoh ka ïing Dorbar, namar ka jingmut jong ki Garo ka long beit tang na ka bynta ka jingmyntoi jong ki, khlem pyrkhat shuh ïaka jylla hi baroh kawei.
Ka seng ka la pynshlur ïa baroh ki dkhot ka Voice of People Party (VPP) khamtam ïa u nongialam jong ka ban ïaid shakhmat haduh ban poi sha ka jingjop ne ban ïoh ïa ka hok bad ki la dawa na ka bynta ka jingmyntoi jong ka jaitbynriew.
Khatduh u bah Shaniahlang u kyntu bad kyrpad ïa baroh ki paidbah Khasi Jaiñtia bad ïa baroh ki 36 ngut ki MLA ban ïalong kawei khlem da ïakdew kti uwei ïa uwei bad ban pyrkhat khamtam na ka bynta ka lawei jong ka jaitbynriew.