Kumba u PA Sangma u ong shakri ïa u paidbah ym ïa ka pisa ne ka shuki, ngi leh thik kumta: Conrad

Phulbari, Rymphang 01: U Myntri Rangbah ka jylla u Conrad K Sangma ha ka sngi Balang u la ong ba ki kam kiba ka sorkar MDA khamtam eh ka NPP ka la leh ka long beit na bynta ka jingmyntoi u paidbah babun balang kumba u kpa kong u u Purno A Sangma u la ju ong barabor ba ha ym ju dei ban shakri ïa ka spah ne ka shuki hynrei dei ban shakri ïa u paidbah.
Haba kren ha ka jingïalap elekshon ha Phulbari u Conrad u la ong, “U PA Sangma ha ka por ba u dang don u ju ong horkit hodang phim dei ban shakri ïa ka pisa ne ka shuki hynrei ban shakri ngyngkong eh ïa u paidbah namar ma u hi ban ai buskit bad ngi ruh ngi leh thik ïa kane kaba u PA Sangma u la hikai ïa ngi.”
Haba kren hlor ka jingrai ka NPP ban pynduh tiket noh ïa u MLA ba mynta ka Phulbari u S G Esmatur Mominin, u Conrad u la ong ba kane ka jingpynduh tiket ka long namar ba une u MLA um shym la pyndep hok ïa ka kamram ba la bynshet da u paidbah.
“Shibun bah ki kam pynroi ka sorkar ka la mang na bynta kane ka constituency hynrei kaei kaba ngi ïohi pat ka long markhongpong ym don satia kino kino ki kam pynroi kiba ngi la mang,” u la ong.
“Dei ynda ngi la ïohi ba kam don kano kano ka kam pynroi ba ngi la rai ban ban shim ïa kane ka sienjam kaba eh ban pynduh tiket noh ïa une u MLA ba mynta,” u la ong.
U la ong ba ka rai jong ka party ban ai tiket noh ïa u A T Mondol ka dei hadien ba ka party ka la ïohi ïa ka jingtreikam jong u ba buh hakhmat eh ïa ka bit ka biang ki paidbah ha ki snem ba u long u MLA.