Shillong, Rymphang 01: U Bah Richard Nongbsap ha ka Sngi Balang u la thep kyrteng hakhmat u Returning Officer kum u kyrtong shimet na ka bynta ban aireng ha ka elekshon sha ka Iingdorbar Thawaiñ ka ban sa long ha ka 27 tarik, u Rymphang, 2023 na Mylliem Constituency pyrshah ïa u MLA ba la iehnohkam u Bah Hamletson Dohling bad ïa u MDC ba mynta u Bah Ronnie V. Lyngdoh.
U Bah Richard Nongbsap uba long tang u nongbylla sngi, u la jied ïa ka CCTV kum ka Shab ka jong u ban pyndonkam ha kane ka elekshon.
Ha ka jingïakren bad ki lad pathai khubor u la ong ba ka jingmih madan jong u ban ïakhun ha kane ka elekshon ka long ban ai ka jingshakri ka bym noh shiliang sha ki paidbah nongshnong jong ka Constituency.
