Tura, Nailur 11: U Myntri Rangbah ka Jylla Meghalaya u Conrad K. Sangma ha ka sngi Thohdieng u la ïada ha kaba ïadei bad ka jingdon jong ka thup thep vote (Electoral Roll) la ka jong na ka bynta ka Garo Hills Autonomous District Council (GHADC).
U Sangma u la pynpaw ba ka jingdon noh la ka jong ka Electoral Roll na ka bynta ka GHADC ka long kum ka rai kaba sah khanapateng bad kaba shlur pynbeit ïa ka jingeh kaba la sahteng la slem bha.
“Ka jingdon ïa la ka jong ka Electoral Roll ka dei ka rai kaba heh bha.Ngi la mynjur ïa ki kyndon bad pynbeit ïa ka jingeh kaba la sahteng la slem bha na ka bynta baroh,” u la ong.
Haba pynsngewskhem ïa ki nongshong shnong ki bym dei ki riewlum, u myntri rangbah u la ong ba katei ka rai kam dei ba pyrshah ïa kano kano ka jaidbynriew.
“Yn ym don uno uno u bym dei riewlum uba dei ban sngewmong.Ngim pyrshah ïa kano kano ka jaidbynriew.Ngi la ïa im suk im saiñ la bun ki snem bad ngin ïai bteng ban im lang bad ïatreilang.Kane ka rai ka la long kaba donkam ban wanrah ïa ka jingshai bad ban ïada ïa ka jingmyntoi jong ki jaidbynriew riewlum jong ngi”, u la ong.
