Shim ka GHADC ïa ka sienjam ban sah kynmaw ban ïoh kyrpang ïa ka thup kyrteng thep vote

Tura, Naitung 29: Ka Garo Hills Autonomous District Council (GHADC) ha ka sngi Balang ka la shim ïa kaei kaba kiba bun ki ngeit ba ka lah ban long ka sienjam kaba don ha ka histori ban pyntreikam ïa ka Separate Electoral Roll (SER), ka mat kaba la neh ha pdeng jong ki jingïakren sain pyrthei la bun snem.
Da ka jingbud ryntih jong ka Executive Committee (EC) kaba mynta ïa kane ka jingtyrwa, la khmih lynti ba ka Dorbar Lyiur kaba 16 kan long kawei na ki dorbar kaba kongsan tam ha ka histori jong ka Council.
Katba ka Dorbar Lyiur ka la sdang ha ka sngi Ba-ar, ka dorbar jong ka sngi Balang ka dei ka jingsdang jong ka kynta kylli jingkylli, bud sa ki motions and resolutions.U Chief Executive Member (CEM) u Dhormonath Ch. U Sangma, uba bat ruh ïa ka tnad pla tyngka, u la wanrah ïa ka General Budget Estimates na ka bynta u snem mang tyngka kaba kut ha ka 31 tarik u Lber, 2027.
U CEM, ha ka kyrdan jong u kum u Executive Member ba dei peit ïa ka Parliamentary Affairs, u la ai ruh ïa ka kaiphod jong ka Committee Pertaining to Election and Separate Electoral Roll, 2026.La wanrah ïa kane hapoh ka ïing dorbar bad la khmih lynti bay n sa ïatai ïa kane ha ka sngi Palei.
Ha ka kynta kylli jingkylli, ki dkhot ki la pynpaw katto katne ki mat kiba ïadei bad ka jingpynhiar ïa ka GST bad TDS.