Lyngba ka Meghalaya 11th program yn ïarap bai bam ka SDF ïa ki samla pule ba duna ka ïoh ka kot

Nongstoiñ, Jylliew 05: Na ka bynta ban pynshlur ïa ki samla pule napoh ka jylla kiba dei na ki longïng longsem kiba duna ka ïoh ka kot ka Sarojini Damodar Foundation kaba la seng da u S.D. Sibulai bad ka Kumari Shibulai naduh u snem 1999 kaba peit bad ai jngïarap ïa ki khynnah pule ha ki ba bun ki jylla jong ka ri India kaba la sdang ruh ban ai jingïarap ïa ki khynnah pule na kane ka jylla naduh u snem ba la dep kan sdang biang ha une u snem lyngba ka program ba kyrpang kaba la tip kum ka Meghalaya 11th Vidyadhan Scholarship Programe na ka bynta ki khynnah kiba wan shakhmat ha ka final Exam jong ka class X .
Ka jingai scholarship kan long Rs 10000 shi snem bad kan bteng haduh arsnem katba ki dang bteng ïa ka jingpule jong ki. Na ka bynta jong kito kiba wan shakhmat bad kiba kwah ban bteng haduh ba kin da pyndep ïa ka degreebad kiba la register ha ka Foundation ka scholarship kan sdang naduh Rs 10000 haduh 75, 000 man la u snem. Ka foundation ka pyntip ruh ba na ka bynta ki samla pule jong kane ka jylla ki samla kiba la ïoh 75 % shaneng ki lah ban applai katba na ka bynta kito ki smla pule kiba don jingduna ha ki dkhot met kiba lah ban ïoh scholarship ki dei kiba la ïoh 60 % shaneng.
Ha kajuh ka por ka Foundation ka la pyntip ba kino kino samla pule kiba dei na ki longïng kiba duna ka ïoh ka kot ki lah ban applai onlie lyngba kane ka website www.vidyadhan.org da kaba phah ruh lyngba ka vidyadhan.meghalaya @sdfoundationindia.com bad ka tarik ba khatduh ban pdiang ïa ki application kan long ha ka 19 tarik Naitung 2026.