Jowai, Jylliew 04: Ka Khasi Students’ Union (KSU) West Jaiñtia Hills District Unit kala pynkup burom ïaki ar ngut ki Nongïalam jong ka KSU Central Executive Council kiba lah shong thait naka seng bad kiba ju peit ju khmih (incharge) ïaka KSU West Jaiñtia Hills District Unit kata ka long ïa u samla Sonstar Nongkhlaw bad u samla Barikular Nongsiej.
Ha kane ka jingpynkup burom ladon ka jingïalang lyngkot bala pynïaid da u samla Ehbok Sten uba dei u Asst Organising Secretary KSU WJHDU haka jingdon lang ki dkhot bad nongïalam jong ka KSU West Jaiñtia Hills District Unit naduh U Samla Shiningstar Kharbihkhiew bad Samla Badon Malngiang kiba dei ki Incharge jong ka KSU West Jaiñtia Hills District Unit ki Nongïalam naka District naduh u President Samla Laitphar Syngkrem, General Secretary Samla Lenningrad Tariang, Vice President Samla Chanbor War lem bad kiwei ki Nongïalam bad ki Dkhot.
Haba ai jingkren u President jong ka KSU WJHDU u samla Laitphar Sengkrem u la ong ba ki nongïalam jong ka KSU ki leit kiwan ki nongrim jong ka seng kan neh kumjuh bad ban dang pyntyllun ïaki ki mat ki jura jong ka Ri bad ka Jaitbynriew hi baroh kawei bad u la ong hynrei ka jing shong thait jong ki Nongïalam u dang sngew bynnud palat bad u ong shibun ki jinghikai bad ki mati ba ki buh ha ngi bad ban ïai bud dien ïaki deingjat jong ki, ula ai khublei bad kitbok kitrwiang bakin ïoh ka met ba koit bakhiah haki sngi ba dang wan.
Kiba ai jingkren ha kane ka sngi ki kynthup naduh u Samla Shiningstar Kharbihkhiew, samla Lenningrad Tariang, Samla Chanbor War, Samla Lop S Khonglah, Samla M. Platini Mukhim kiba la ai ka kitbok kitrwiang ïa kine ki ar ngut ki Nongïalam kiba lah shongthait noh naka Seng bad kila Pyrto ïaki kam ba bha ki jong ki.
