7 tylli ki takma ksiar khur ka Ri Bhoi na ka 1st Meghalaya Khelo India India Pencak Silat’ League

Nongpoh, Nailar 25: Ka Ri Bhoi District kala ioh ban khur haduh 7 tylli ki takma ksiar, 3 tylli ki takma rupa bad 3 tylli ki tkma rnong hadien ka jinglah ban ïalehkai bha jong ki thei ïalehkai kiba la mih khmat naka district ban leit shim bynta haka 1st Meghalaya Khelo India Pencak Silat Women’s League 2023 kaba la long haka 23 bad 24 tarik mynta u bnai ha Tura.
Kitei ki thei ïalehkai kiba la ioh khur takma ksiar ki kynthup ïaka Faustina Kassar, Banrilang Muktieh, Christina Kassar, Lucky Mery Pangcho, Samona Ingti, Ridaplin Klein, Heilin Rongpei, bad ka Khamtimon Rympei katba kiba khur ïaka takma rupa ki kynthup ïaka Bawan Kassar, Mariawan Kassar, Therina Ingti bad kiba khur ïaka takma rnong ki kynthup ïaka Jecika Pangcho, Sabani kongor, bad ka josphin Hanse.
Kitei ki thei ïalehkai bala khur takma ki dei ruh hapoh ka jingïalam jong u Bah Thomas Rongthaluh kum u President bad u Coach, ha kaba naka liang jong u, u la pynpaw ka jingsngewkmen kaba khraw bad ai ka jingkhublei ba kyrpang sha baroh kitei ki nongïalehkai kiba la wanrah ka nam bad ka burom ïaka district bad khamtam naka liang jong u Bah Thomas u la ai khublei kyrpang ruh ïaki briew kiba la donkti ban noh jingïarap sha ka kynhun ha shuwa ba kin mih naka district ban leit shim bynta ha katei ka lympung.