Shillong, Lber 01 : Haduh 49 ngut ki briew ki la iap ha along jong ki Pulit hapoh ka Jylla naduh u snem 2012.
Ka ïing Bishar High Court jong ka jylla ka la shong bishar ïa ka mukotduma PIL halor kane ka kam mynta ka sngi Balang.
Ka ïing Bishar ha ka hukum kala ong ba ka Jylla bad u Dr N Mozika, Amicus Curiae, ki la mynjur ba ka jingdon jong ki briew ba iap ha along ki Pulit naduh u snem 2012 hapoh ka Jylla, kala kot 49 ngut.
Katba ka Jylla ka la pynpaw ba katto katne lada ym dei baroh na kiba iap, ka dei namar ka jingiap pang hynrei ka post mortem bad kiwei ki kaiphod, kat kum u Dr Mozika ka pynpaw da kumwei pat lait tang katto katne ki case.
Ka Jylla ka la pynpaw ruh ba dei ban batai shai hapdeng ka jingiap kaba lah ban dei na kiwei pat ki daw khlem ka daw ba dkhat jubor ïa la ka jingim bad kito kiba dkhat ïa la ka jingim bad ka kaiphod post mortem ka pynpaw ïa kum kine.
“Kam don daw ruh ban batai ba kumno ka jingiap ka wan jia na kiwei ki daw katba u briew u dang don ha ka jingtohkit. Ka lah ban dei kajuh ka daw kaba pynlong ïa u briew ban dkhat ïa la ka jingim” ong ka Iing Bishar.
Ka ïing Bishar kala buh ban shong bishar biang ha ka 22 tarik u Lber.
