4 tylli ki takma ksiar khur ka East Khasi Hills District bad kawei ïoh ka West Jaiñtia Hills District ha ka Badminton

Jowai, K’Lyngkot 23: Ka jingïalehkai Badminton Final jong ka Meghalaya Games 2025 ha ka 23 tarik u Kyllalyngkot 2025, ha Kiang Nangbah Indoor Sports Hall.
Ha ba phai haka liang ki Kynthei (Girls Singles) ïa ka takma ksiar la ïoh da ka Sneha Chettri na EKHD, ïa ka takma rupa la ïoh da ka Nerania Tariang na EKHD bad ïa ka takma rnong la ïoh da ka Nihaka Lamare na WJHD bad ka Shimtihun Lyngdoh na WKHD.
Ha ka Girls Doubles ïa ka takma la ïoh da ka Sneha Chettri bad ka Netania Tariang na EKHD, ïa ka takma rupa la ïoh da ka Shimtihun Lyngdoh bad ka Doren na WKHD, ïa ka takma rnong la ïoh daka Deidaphi Marpna bad ka Wansaphi Marpna na SWKH bad ka Nihaka Lamare & Dana Angelika ma WJHD.
Ha ka Mixed Doubles ïa ka takma ksiar la ïoh da u Pratham bad ka Sneha Chettri na EKHD, ïa ka takma rupa la ïoh da u Hunbait bad ka Rovancy Chul-lai na WJHD, ïa ka takma rnong la ïoh da u Eric Cooper bad ka Ilapynhun Dkhar na WKHD, u Eladalgasa Momin bad ka Argyano Sangma na WGHD.
Ha ka liang ki shynrang Boys Singles ïa ka takma ksiar la ïoh da u Gavin Kharbuki na EKHD, ïa ka takma rupa la ïoh da u Pratham na EKHD, ïa ka takma rnong la ïoh da u Mewanlam Kupar na EWKH bad u Orpon Nongum na Ri-Bhoi.
Katba ha ka Boys Double ïa ka takma ksiar la jop da u Leminelson bad u Bashanbor na WJHD, ïa ka takma rupa la ïoh da u Orpon Nongrum bad u Phrangsngi na Ri-Bhoi District, ïa ka takma rnong la ïoh da u Gaurav Dutta bad u Biswajit Chosh na WGHD bad u Davin Kharbuki & Karlsten Diengdoh na EKHD.
Lada kheiñ ïa ka jingïoh takma ki District ha ka Badminton kynthup naduh ka takma ksiar, rupa bad rnong ka East Khasi Hills kala ïoh 7 tylli, ka West Jaiñtia Hills 4 tylli, ka West Khasi Hills 3 tylli, ka Ri-Bhoi 2 tylli, ka West Garo Hills 2 tylli, ka South West Khasi Hills bad ka Eastern West Khasi Hills mar kawei.