Shillong, Nailur, 22: Palat 257 ki nala pyntuid um jaboh ne ki Effluent Treatment Plants (ETP) la shna ha East Khasi Hills District.
Ha kiwei kiwei ki distrik jong ka Jylla, 35 la shna ha West Jaiñtia Hills, 30 tylli ha Ri Bhoi district, 10 tylli ha West Garo Hills, 5 tyllli ha West Khasi Hills, 4 tylli ha East Jaiñtia Hills bad kawei ha North Garo Hills.
Shuh shuh ka jingshna ïa ki Sewage Treatment Tlant (STP), lai tylli la shna ha East Khasi Hills bad 6 tylli ha East Jaiñtia Hills.
Ïa kane la pyntip da u Symbud Myntri Rangbah uba peit ïa ka tnat Pynroi Sor u Sniawbhalang Dhar ha ka jingai jubab ïa ka jingkylli ba la wanrah hapoh ka Ingdorbar Thawaiñ ka Jylla ha ka sngi Thohdieng.
Katkum kane ka jubab, baroh ki hospital, hotel, restaurant, guest house bad ki resort ki hap ban ïoh shwa ïa ka Consent to Operation (CTO) na ka Meghalaya State Pollution Control Board shwa ban shna ïa ka ETP bad STP.
