Shillong, Kyllalyngkot 31: Ka kynhun ïalehkai jong ka Malki SC ka la khur jingjop hynne ka sngi ha ka jingïalehkai jong ka lympung 1st DIVISION Football League 2023-24 ba la pynïaid da ka Shillong Sports Association ha madan SSA Ground, Polo pyrshah ïa ka Umphyrnai SC.
Haba phai sha kane ka jingïakhun kaba la sdang ha ka por 2:45 baje nohphaisngi, ka la long kaba itynnat ha kaba ka Umphyrnai SC ka la ïoh ban pynkhihjar nyngkong tang hadien 8 minit ba la ïaid ka por jong ka kylla step lyngba u Isharwell Mukhim ban lamkhmat ïa ka jingïakhun.
Hynrei ka Malki SC kam shym la kynrandien bad ïoh pynïakhaid ha ka kylla miet lyngba u Maxcimilando Tariang ha ka 69 shuwa ba un khyrwit sa ar kol ban khur ïa ka hat trick ha ka 73 bad 81minit.
Ka jingïakhun mynta ka sngi ha ka 1st DIVISION Football League 2023-24 kan long biang ha ka por 2:45 baje nohophaisngi hapdeng ka Mylliem SC pyrshah ïa ka Lawsohtun SC.
