Jowai, Jymmang 16: Ka ophis jong u District Sports Officer West Jaiñtia Hills District, Jowai kala pyntip ba kan pynlong ïa ka Inter School Subroto Cup Football Tournament- 2022 ha Kiang Nangbah Stadium, Jowai ka ban sdang ha kane ka taïew ba nyngkong jong u bnai Jylliew 2022 na ka bynta ki kyrdan Under-14 bad Under-17.
Ïa ka Entry form lah ban ïoh na katei hi ka ophis ha ka por ba long trei, da kaba pynpoi kloi ïa ki kyrteng jong ki Players ryngkat ka Passport Size Photographs, ka Birth Certificate ba la ïoh na ka Municipal Board/CHC/PHC bad Aadhaar Card hashwa ka 24 tarik u Jymmang, 2022.
Ïa ka Screening yn pynlong haka 25 tarik Jymmang, 2022 naduh ka por 9 waje mynstep ha Kiang Nangbah Indoor Stadium, Jowai. La pyntip ba yn shah tang 25 ngut ki Players na manla kine ki kyrdan ha ka Under– 14 (Boys) kiba dei ban kha hadien ka 01 January, 2009. Under– 17 (Boys) hadien ka 01 January,2006 bad Under– 17 (Girls) hadien ka 01 January,2006.
