Jowai, Jymmang 24: Ka 1-Nartiang Block Congress Committee (BCC) kala pyntip ba kan pyllong ïaka jingïalang pynrung dkhot bad pdiang burom ïaki katto katne ki riew rangbah jong ka thaiñ ka ban long lashai ka 25 tarik u Jymmang 2022 ha ka por 12 baje mynsngi ha Namdong West Jaiñtia Hills.
Ïa kane ka prokram la pynkhreh ha ryngkat ka jingïatreilang ka District Congress Committee (DCC) bad ka 1-Nartiang BCC la ïathuh u ma Rikut N Parien Secretary DCC West Jaiñtia Hills District bad ha ka juh ka por ka long ban pynkhlaiñ shuh shuh ïa ka party ha ka jingtreikam jong ka naduh ki thaiñ nongkyndong bad kumjuh ha sor shi bynta na ka jingpynkhreh ïa ka Election MLA 2023.
