Shillong, K’Lyngkot : Ka Seng ïeng Rasong Sports Social And Cultural Club (IRSSCC), Shillong ha u kyrwoh lyngba u Bah S. Lyngdoh Publicity Secretary ka pyntip ba ka Seng kan pynlong ïa ka ‘General Council Meeting & Happy New Year 2023 Get Togather,’ ha ka 7 tarik mynta u bnai ha Shillong Club Ltd, Shillong ha ka por 2 baje nohphai sngi.Ha kane ka jingïalang yn ïakren halor kiba bun ki kam ba kyrkieh jong ka Seng kynthup halor ka jingpynkhreh ban pynlong ïa ka prokram halor u drok.Ha kajuh ka por ka Seng ka ai ka jingkhublei snem thymmai basuk ba kmen ïa baroh ki paid nongshong shnong jong ka bri u Hynñiewtrep hi baroh kawei.
