Lap metïap ba phasi najan Muda Parking Lot ha Khliehiew

0

Shillong, K’Lyngkot : U Superintendent of Police ka East Khasi Hills, Shillong da kane u pyntip ba ha ka 30.12.2022, ki pulit ki la lapdien ïa uwei u briew ha u tyllai phasi hajan Parking lot ka Muda ha Khliehiew, Shillong.Hadien ba la pyndep ïa ka jingdonkam baroh la pynkynriah noh shapoh Civil Hospital Shillong, bad hadien ba la pyndep ïa ka postmortem la pynkynriah noh ïa ka metïap shapoh ka jaka buh metïap jong kane ka hospital na ka bynta ka jingpynithuh.Une u briew bym lah ban ithuh u dei uba la don ha ka rta kumba 50 haduh 60 snem rta bad u don ka rynïeng kumba 5.5 phut, u phong da ka jaket rongktieh, ka patlun rong grey, ka swetar rongktieh, ka T Shirt rong grey bad ka banian lieh.Kumta la kyntu ïa kiba haïing hasem bad kiwei pat kiba don jingïadei bad une u rangbah ba kin phone sha kine ki nombor na ka bynta ka jingwan shimti noh ïa kane ka metïap. o/c Lumdiengjri PS -0364-2548151, i/c police control room, Shillong -0364-2222214/2222215.

Leave A Reply

Your email address will not be published.