Shillong, Lber 06: Ka Sports Authority of India [SAI], Shillong, ha ka jingïatreilang bad ka tnad Sports & Youth Affairs jong ka Sorkar Jylla Meghalaya lyngba ka ASMITA kan pynlong ïa ki jingïalehkai bapher bapher na bynta ki kynthei ha man ki District kiba don hapoh ka jylla Meghalaya.
Haba phai sha ka phang ba la kdew haneng, kumba phi la tip ba ka ASMITA “Achieving Sports Milestones by Inspiring Women Through Action” ka dei ka jingthmu hapoh ka Khelo India Scheme, kaba thmu ban kyntiew ïa ka jingïalehkai hapdeng ki kynthei da kaba pynbiang ïa ki rynsan ïakop khnang ba kin lah ban paw pyrthei ïa ka sap kaba ki don.
Kine ki jingïalehkai ki kynthup ïa ka Basketball, Table Tennis, Archery, Badminton, Athletic, Football, Boxing.
Kine ki long ki jaka bad ki centre hapoh ki District ki ban pynlong ïa ki jingïalehkai bapher bapher jong ka ASMITA.
Ha East Khasi Hills yn pynlong ïa ka jingïalehkai Basketball (Open Category) ha St.Anthony’s HSS ha ka 8 tarik u Lber, 2025.
Ha West Khasi Hills [Anderson HSS] kan don ka jingïalehkai Table Tennis kaba la buh ha ka 8 tarik u Lber, 2025 na bynta ki khynnah kynthei ba hapoh 17 snem, ban long ha Indoor Hall Nongstoin.
Ha East Jaintia Hills [Rymbai Govt.HSS] kan don ka jingïakop siat khnam lane ka Archery kaba la buh ha ka 8 tarik u Lber, 2025 na bynta ka kyrdan Junior, Sub-Junior & Senior ban pynlong ha Rymbai Govt.Centre.
Ha West Jaintia Hills [Kiangnongbah Govt.College] kan don ka jingïalehkai Badminton ba la buh ha ka 15 tarik u Lber, 2025 na bynta ki samla kynthei ba hapoh 19 snem bad ruh ha ka kyrdan Open Category, ban long ha Kiangnongbah Govt.College. Nangta ka centre ha Govt .Boys HSS kan pynlong ïa ka Athletic ha kajuh ka tarik na bynta kiba hapoh 20 snem ha Kiangnongbah Stadium.
Ha Eastern West Khasi Hills [St.Thomas HSS] yn pynlong ïa ka Football ha ka 15 tarik Lber, 2025 (Open Category) ha madan ïalehkai St.Thomas Football Ground.
Ha South West Khasi Hills [Maharam Govt.SS] kan don ka Archery ha ka 15 tarik Lber na bynta ka kyrdan Junior & Sub-Junior ka jaka kan long ha Maharam Cemtre.
Ri Bhoi [Mynken Christian HSS] yn pynlong ïa ka jingïalehkai Boxing (15 tarik Lber, 2025) na bynta ki U-18 & U-21, ka jaka kan long ha Mynken Christian centre.
East Garo Hills [Rongrenggiri Govt.HSS] yn pynlong ïa ka Football (8 tarik Lber, 2025) bad ka jaka kan long ha Rongrenggiri Centre. Kan don ruh ka Boxing ha Rongrenggiri Model Defict SS ha ka 15 tarik Lber, 2025.
West Garo Hills [Govt.Girls HSS] kan don ka jingïalehkai Athletics (15 tarik Lber, 2025) na bynta kiba hapoh 18 snem, ka jaka kan long ha Mission Compound Field. Ka centre ha Govt Boys HSS kan pynlong ïa ka Table Tennis ha kajuh ka tarik na bynta ki U-17.
Ha South West Garo Hills [Ampati Govt.HSS] kan pynlong ïa ka Athletic (15 tarik Lber, 2025) na bynta ki U-18, ka jaka kan long ha Ampati Govt Centre.
Ha North Garo Hills [Resubelpara Girls HSS] kan pynlong ïa ka jingïalehkai Athletic ha ka 13 tarik Lber, 2025 na bynta kiba hapoh 18 snem, ka jaka kan long ha Resubelpara Centre.
Ha South Garo Hills [Baghmara Govt.HSS] kan pynlong ïa ka Archery ha ka 15 tarik Lber, 2025 na bynta ki U-18 & Open Category, bad ka jaka kan long ha Baghmara Gov.HSS.
Kane ka long katkum ka kyrwoh jong ka Sports Authority of India STC, Shillong ha kaba ïadei bad ka jingthmu ban pynlong ïa kien ki jingïalehkai ha man la ki District.
