SHILLONG, Lber 06: Ka Ophis trei kam jong U District Sport Oficer, Ri-Bhoi District, Nongpoh ha ryngkat ka jingïatreilang bad ka tnad Sports & Youth Affairs nangta bad ka Khelo India Centre lyngba ka ASMITA (Achieving Sports Milestone by inspiring Women through Actions) City League 2025: kan pynlong ïa ka lympung ïakura na bynta ki kynthei lane ka Women’s Boxing Tournament.
ïa kane ka jingïakop yn pynlong ha Ri Bhoi District kaba la buh ban long ha ka 15 tarik u Lber, 2025, ha District Sports Office, Nongpoh. Kane ka jingjop ka long na ka bynta kiba hapoh 18 snem bad hapoh 21 snem ka rta.
Na ka liang jong u District Sports Officer, Ri-Bhoi District, Nongpoh, u khot sngew bha ïa baroh ki Khynnah kynthei na Ri-Bhoi ban ïashim bynta ha kane ka Jingïalehkai. Ha kaba ïadei bad ki form bad ki jingbatai ba kham bñiah lah ban ïoh na ka Office trei kam jong U District Sports Officer ha ka por trei, ne lah ban ïoh na u ne u number 9612106260.
Ka sngi ba khatduh ban pdiang ïa ki form kan long ha ka 12 tarik u Lber, 2025. Na ka liang jong ka Ophis treikam jong u DSO ka khmih lynti ïa ka jingïashim bynta jong baroh.
