EJHDFA: Mad jingjop ka Chiehruphi SYWSC haka Super Division, ka R.Wahshnong SC haka 1st Division

Jowai, Risaw 03: Ki jingïalehkai jong ka “Super Division” bad ka 1st Division League 2026 bala pynïaid daka East Jaiñtia Hills District Football Association (EJHDFA) ba la long ha ka sngi Saitjaiñ, 03 tarik Risaw ha madan Artificial Diengshynrum, Khliehriat.
Haba phai sha ka jingïakhun jong ka 6th Kyrmen Shylla Contribution Trophy League Stage 2026 haka kyrdan “Super Division” ka kynhun ïalehkai jong ka Chiehruphi SYWSC kala jop da 2-1 kol ïaka Wahiajer Narpuh SSC, ïa ki kol naka Chiehruphi SYWSC la thep da u Regency Lapasam haka minit ba 90+4 & 90+8. Ïa ka shikol na ka Wahiajer Narpuh SSC la thep da u Vishal Nongpluh haka minit ba 45.
Katba haka jingïakhun jong ka Thomas Nongtdu Memorial Trophy haka kyrdan 1st Division League 2026 ka kynhun ïalehkai jong ka Rymbai Wahshnong SC kala jop da 2-1 kol ïaka Dhana CSC, ïa ki kol naka R.Wahshnong SC la thep da u S. Pala haka minit ba 17 bad u D. Swer haka minit ba 46. Katba ka shikol naka Dhana CSC la thep da u P. Dkhar haka minit ba 8.