Shillong, Lber 06: Ka N.F.U CC ka la khur ïa ka jingjop hadien ba ka la pynliem da 36 ron ïa ka United XI CC ha kawei na ki jingïalehkai ka lympung Shillong Cricket League Super Division 2024-25, ba la pynïaid da ka Shillong Cricket Association ha madan Polo, hynne ka sngi Palei.
Hadien ba jop ïa ka jingkynting pisa (toss) ka N.F.U CC ka la shim ïa ka rai ban tied nyngkong, ha kaba ka la lah ban kamai 249 ron haduh kaba kut jong ka 45 ober bad khyllem 7 wiket. U Akash u la lamkhmat ha ka tied da kaba kamai 101 ron naki 64 bol, katba u Kevin u la noh synñiang da kaba kamai 68 ron naki 97 bol. U Navin (9 ober: shah tied 35 ron) bad u Indranil (9 ober: shah tied 68 ron) ki la khur mar 2 wiket.
Haba pyrshang ban jubab ka United XI CC ka la shah khanglad noh tang na bynta 213/9 haki 44.4 ober. U Ganesh u la kamai 68 ron naki 79 bol, katba u Indranil u la tied 39 ron naki 55 bol. Na ka liang ki rangkawang bol ka liang pyrshah, u Purajit u la khur 3/31 naki 7 ober, katba u Hasin u la khur 2/40 naki 7 ober. Ha kaba kut ka N.F.U CC ka la jop da 36 ron bad ïa ka nam Player of The Match la khur da u Kevin, uba la kamai 68 ron ha ka tied bad khur 2 wiket ha ka bol.
