Yn pynlong ka ophis u DSO ïa ka 9th SWKH Chief Minister District Level Inter – School Athletic Meet 2023

Mawkyrwat, Ïaïong 03 : Ka ophis jong u District Sports Officer (DSO), South West Khasi Hills District, Mawkyrwat kan sa pynlong ïa ka 9th South West Khasi Hills Chief Minister District Level Inter – School Athletic Meet 2023 na ka bynta ki khynnah skul kiba hapoh 14 snem, hapoh 16 snem bad hapoh 18 snem ka ban long naduh ka 3 tarik haduh ka 5 tarik Jymmang, (May) 2023 hapoh Mawkyrwat.
Namarkata, lada don kino kino ki skul kiba hapoh jong ka South West Khasi Hills District kiba kwah ban ïashimbynta ha kane ka lympung kin sngewbha ban wan shim ïa ki phom (form) na ka ophis treikam jong u DSO, South West Khasi Hills District ha kano kano ka por long trei.
Ka tarik ba khatduh ban pynpoi ïa ki phom kan long hapoh ka 24 tarik Ïaïong, 2023.
Ïa ki jingtip ba kham bniah lah ban wan kylli na ophis lane phone – 7085084819/9856925283. Kane ka long katkum ka kyrwoh khubor ba la phah da u bah D. Syngkon, District Sports Officer, South West Khasi Hills, Mawkyrwat.