Nongpoh Rymphang 22: Ka ophis u District Planning Officer ka Ri Bhoi ryngkat ka jingïatrei lang bad ka State Council for Science Technology & Environment, Meghalaya Shillong ki la rai ban pynlong ïa kawei na ka jingïamareh thong ba la tip kkum ka ‘Run For Science’ ba la ai ailad na ka bynta ki samla kynthei bad shynrang kiba la kynjoh sha ka 14 snem shaneng.
Kane ka Run For Science kan long ha ka 26 tarik u Rymphang 2024 ka ban sdang na Dulongnar sha NSCA Indoor Stadium naduh ka por 6 baje mynstep.
Na ka liang katei ka ophis kum ka jingpynshlur ïa ki samla ba wan ban shim bynta ki la pynkhreh ruh ïa ki khusnam ha kaba kiba wan nyngkong kin ioh rah ïa ka song pisa kaba T.7000, kiba wan ba ar kin ioh khur ïa ka song pisa kaba T. 5000 bad kiba wan ba lai kin ioh khur ïa ka song pisa kaba T. 3000. Na ka liang katei ka ophis trei kum shi bynta ban pynlong ïa kane ka Run for Science ka la khot la wer ïa baroh ki samla kynthei bad shynrang kiba kwah ban shim bynta ki dei ban poi ha katei ka sngi bad ka jingwan shim bynta shitrhem ki samla kan pynlong ruh ïa kane ka sngi kaba jop halor ka jingpynlong ïa ka ne ka Run For Science.
