Shillong, Risaw 31: Ka Hynñiewtrep Association hapoh ka jingïalam jong u Bah Gabriel T Mawlong kan pynlong biang ïa ka Hynniewtrep Idol season 4 kaba dei ka jingïakop rwai Khasi..
Ka Audition ka lah sdang naduh ka 28 tarik u bnai Nailur bad kan kut haduh ka 28 tarik u bnai Naiwieng 2023 bad yn leh da ka online ïa ka audition ïa kaba yn kheiñ 70 points na ki nongbishar bad 30 points na ka views bad likes..
U Bah Gabriel, u la ïathuh ba ka semi final kan sdang naduh ka 30 tarik u bnai November 2023 bad kan kut haduh ka 30 tarik u bnai Nohprah 2023 ïa kane ka semi final ruh yn leh da ka online ïa kaba yn kheiñ 70 points na ki nongbishar bad 30 points na ki views bad likes..
Ka audition ym donkam ban siew eiei kan dei free bad hap ban siew tang lada Shah jied sha ka semi final round kaba long 1000 tyngka na bynta kiba rwai marwei bad 2000 tyngka na bynta kiba rwai ar ngut bad ba rwai group..
Ka grand finale kan dei beit live ha stage ïa kaba kin pynlong ha Khasi National Dorbar Hall,Mawkhar Shillong ha ka 9 tarik u bnai Lber 2024..
Ki nongbishar ha kane ka sngi Kin long u Wanjop Sohkhlet nangta u Amit Paul uba dei u nongrwai uba lah paw jong ka Indian Idol bad u bah Donbok Marbañiang uba dei u nongrwai jong ki film khasi…
Ki khusnam na bynta ki nongjop ki long, 1st prize 50 hajar tyngka bad ki syrnod, 2nd Prize 35 hajar tyngka bad ki syrnod, 3rd Prize 25 hajar tyngka bad ki syrnod bad10 tylli ki Consolation prize
Kiba jop ha kane ka Competition kin ïoh lad ban record kawei ka jingrwai ha ka Mar Local Recording Studio.
