Shillong, Risaw 31 : Ka Kynhun Myntri ka Sorkar Jylla ha ka sngi Ba-ar, ka la ai jingmynjur ïa ka jingpynkylla thymmai ïa ki kyndon ka Meghalaya Fisheries Service Rules, 2017.
Haba ïakren bad ki nongthoh khubor, u Myntri Sorkar u Marcuise N Marak ula ong ba ka jingpynkylla ba la mynjur ka long ban kynthup lang noh ïa ka MSc ha ka Fisheries Science bad M.Sc Aquaculture ha ka thup bala pyllait noh ïa ki na ka jinghap leit pule pyntbit ha ryngkat ki BF.Sc, ka course graduate ba saw snem kumba pruid dak hapoh ka rule 1 bad rule 3 jong ka MFSR, 2017.
