Shillong, Risaw 06 : U Myntri Rangbah ka Jylla, Conrad K Sangma, u la pynbna ba ka sorkar Meghalaya ka la rai ban thaw ïa ka Sixth Pay Commission, bad ka jingïaid lynti ban pynlong ïa ka Commission ka la sdang lypa.
Shuh shuh u Myntri Rangbah u la ong ba ka sorkar ka khmih lynti ban pynbna noh ïa u Chairman bad ki dkhot jong ka Commission hapoh ka shi taïew lane ar taïew.
U la ong ba ki jingïakren ba nyngkong halor kane ki la dep long bad sa tang ki rukom treikam kiba dang sah.
Ka notification ban thaw ïa ka Sixth Pay Commission ruh yn sa pynmih noh hapoh ka shi taïew lane ar taïew, la bynrap shuh shuh u Myntri Rangbah.
