Jowai, K’Lyngkot 20: Ka Society for Urban & Rural Empowerment (SURE), hapoh ka project “Link Worker Scheme” kaba kyrshan da ka Meghalaya AIDS Control Society (MACS) ryngkat bad ka jingïasnoh kti lang bad ka Thomas Jones Synod College, Jowai kan sa pynlong ïa ka ïakop jingrwai tynrai/phawar ka phang kan dei na ka bynta u HIV/AIDS.
Ïa kane ka jingkop jingrwai tynrai/phawar, ka ophis kan pynlong ïa ka haka 9 tarik u Lber (March) 2024 ha Thomas Jones Synod College (hall) ha ka por 9:30 por step.
Ka jingthmu jong kane ka phawar kan long “ban pynsaphriang lane ai jingtip bad jingsngewthuh ha kaba ïa dei bad u khniang HIV/AIDS. Ha kajuh ka por ban ai jingtip shaphang ka rukom ïada lane sumar ïa ka jingpang na une u khniang”.
Ban hikai ïa ki nongshong shnong ban kin ym kyntait, i beiñ ne leh beiñ ïa ki briew kiba ïoh ïa kane ka jingpang.
Ka khusman jong kane ka jingïakop jingrwai tynrai ka long: 15,000/- (1st prize), 8000/- (2nd prize), 5000/- (3rd prize). Kane ka long katkum ka kyrwoh khubor na u Secretary ka SURE ma H.H. Mohrmen bad ka Coriniki Slong DRP SURE (LWS).
