Nongpoh, Ïaiong 25: Ka ophis jong ka District School Education Officer, Ri Bhoi District, mynta ka sngi kala pynlong ïaka District Level Science, Mathematics and Environment for Children Exhibition halor ka phang “Technology and Toys” ba la pynlong ha Ri-Bhoi Presbyterian Higher Secondary School Nongpoh.
Ha katei ka exhibition kumba 8 tylli ki skul kiba napoh ka District ki la wan ban shim bynta bala wan ruh ban sakhi da ka jingdonlang ka kong Paidolyne L Nonglait DSEO, Ri-Bhoi District, u Bah W Radu Principal ka RBP Higher Secondary School, ki nonghikai lem bad ki khynnah skul kiba la wan ban ïa shim bynta na ki skul bapher bapher.
Napdeng kitei ki 8 tylli ki skul kiba la leit ban shim bynta ha katei ka Exhibition, 3 tylli kila ioh ban khur ïaka nam jop ba kynthup ïaka St Paul’s Higher Secondary School Nongpoh haka kyrdan ba nyngkong, ka Alpha English Higher Secondary School, Nongpoh haka kyrdan ba ar bad ka Donbsco Higher Secondary School, Byrnhihat kala wan ha kyrdan ba lai bad la sam ruh ïaki khusnam ha katei ka sngi.
Kitei ki skul kiba la ioh ban khur ïaka nam jop kin sa leit ruh ban mihkhmat naka District sha ka State Level Science Exhibition ka ban sa long shen ha nongbah Shillong.
