Shillong, K’lyngkot, 03: Ka Parliamentary Standing Committee on Food, Consumer Affairs and Public Distribution kan sa wan iuhkjat ha kane ka nongbah Shillong naduh ka 6 tarik haduh ka 8 tarik, Kyllalyngkot, 2023.
Ha ka 6 tarik, ka Committee kan sa shong jingïalang bad u Chief Secretary jong ka Sorkar Jylla u Bah DP Wahlang ban ïathir ïatai ha kaba ïadei bad ka phang, “Initiatives in the North-East in the field of Consumer Rights Protection.”
Ka Committee kan sa leit jurip ruh ïa ka kudam buh khaw jong ka Food Corporation of India (FCI) kaba don ha Shillong.
Ha ka 7 tarik, ka Committee kan sa shong jingïalang bad ki ophisar ka FCI bad CWC ban ïathir ïatai halor ka phang ‘Post-Harvest Management of Food grains: Storage, Transport and Distribution’ kaba ïadei bad ka thaiñ Shatei Lammihngi ka ri India.
Ka Committee kan sa leit jngoh ruh ïa ka Price Reporting Centre/State Consumer Commission.
