Shillong, K’lyngkot, 03: U Archbishop jong ka Jyllaniam Bah Shillong u Most Rev. Victor Lyngdoh u la phah ïa u kyrwoh sha ki Lyngdoh, ki Riewniam bad sha ki paid u Blei jong ka Jyllaniam Bah Shillong ba u Kpa Bakhuid, u Pope Benedict XVI u la khladnoh ha ka 31 tarik, Nohprah, 2022.
Ka jingtep donburom ïa ka met ba dang sah kan long ha ka 5 tarik mynta u bnai. Kum ka jingïasohlang bad ka Balang Salonsar, ngin sa pynlong ïa ka Mass Bakhuid ha Ingmanebah, Laitumkhrah ha ka 5 tarik mynta u bnai ha ka por 5:00 baje janmiet,” ong u Archbishop ha u kyrwoh.
U Archbishop u la kyrpad ïa ki paid u Blei ban duwai lem na ka bynta ka jingjahthait bymjukut jong ka mynsiem jong u Pope Benedict XVI bad ban ïashim bynta lang ha ka Mass Bakhuid ha katei ka sngi.
