Yn leit biang ki Cook sha kamra shet ja sngi, ba la siew ka sorkar ïa ka Honorarium

Jowai, Naiwieng 05: Ka Union of Cook Cum Helper PM Poshan Meghalaya ha ka CEC jong ka kaba la long ha shnong Mootyrchiah, West Jaiñtia Hills Districts ha ka 03/11/2023 hadien bala kut ka 4th Annual General Meeting jong ka All Jaiñtia Mid-Day Meal Workers Union kala shim ïa ka rai ban weng noh ïa ka Strike jong ki kaba la sdang naduh ka 16 tarik jong u bnai Risaw (October) 2023.
Hadien kane ka jingweng noh ïa ka jingïakhih baroh ki nongshet ja sngi ha ki skul bapher bapher kila pynpaw ba kin sdang biang ïa ka kam ban shet ja sngi ïa ki khynnah ha ki skul naduh ka 7 tarik u Naiwieng (November) 2023 kaba dei ka Sngi ba-ar (Tuesday). Kane ka dei katkum ka jingpyllait khubor na ka Seng ki nongshet ja Sngi.