Yn khynñiuh jumai ha ka 20 tarik ha Nongpoh

Nongpoh Lber, 18: Ka Additional Deputy Commissioner & CEO, District Disaster Management Authority (DDMA), Ri Bhoi District, Nongpoh, kala pyntip ba yn pynlong ïa ka State Level Mock Exercise halor ka jingkhynñiuh jumai ha Pahamsyiem, Nongpoh haka 20 tarik mynta u bnai naduh ka por 9:30 mynstep.
Ki jaka ki ban shah ktah ha kane ka Mock Drill ki kynthup ïaka Christian Higher Secondary School, Pahamsyiem, PHED Office, Nongpoh Town Market, Petrol Pump ha Pahamrioh bad ka NH-Shangbangla bad kiwei, baroh ki tnad sorkar, ki pulit bad shipai kin ïashim bynta ha kane ka prokram.
Ki nongshong shnong bad ki paidbah kim dei ban tieng ne syier mynsiem ha ka por ba riew ki siren bad haba ki nongpynlait im ki wad lane pynhiar briew ba sah kut halor tnum ïing ne u dieng ne por ba rah ïaki briew sha ki jaka sumar namar kadei tang ka jing pyni ban hikai kumno ban long ki ba la khreh ban ïada ïalade bad ïa kiwei ruh lada ka wan jia shisha kum ka jingkhynñiuh jumai ne kino kino ki jingpynjulor ka mariang ha ki shnong ki thaw.