Yn ai khusnam ka UDP-YW Mawthadraishan

0

Kynshi, Nohprah 21: Ka UDP Youth Wing Mawthadraishan Circle kan pynlong ïa ka program “Excellence Award 2022” ha ka 10t tarik u Kyllalyngkot 2013 ha Kynshi naka bynta ki Samla pule kiba dei napoh ka Mawthadraishan Constituency kiba score 80% shaneng haka SSLC bad HSSLC examination.
U President jong ka Seng, u Bah B. Marngar, u la ong ba ïa ki mark sheet dei ban pynpoi hapoh ka 31 tarik mynta u bnai dakaba shondur bad phah lyngba u WhatsApp number jong u President-7005363167 bad Secretary 7630082469 khnang ban lah ban pynkhreh ïa ki jingdonkam baroh.
Ka seng ka ïathuh urh ba ha ka tei hi ka sngi kan don ruh ka jingïakop rwai tynrai (Traditional song competition) ka ban long tang daka Group Song bad ka Youth Wing ka khot sngewbha ïaki samla naka thaiñ ban sei iaka sap rwai kynhun bad ka khusnam kalong 1st prize 7000, 2nd 5000 bad 3rd 3000.Yn ym donkam siew ïaka bai rung. Nangta kan don ruh ka blind penalty football shootout ( dakaba teh jaiñ na ki khmat) bad ka 1st prize Rs. 3000,2nd Rs. 2000 bad 3rd Rs. 1000. Ka Penalty Shootout kan don ïa ki Shynrang bad Kynthei ruh. Ha kane ka Penalty Shootout ruh ym donkam siew bai rung. Kumta ka Seng ka kyntu ïa kiba don jingthmu ban ïashim bynta katkum ki tei ki program ba la kdew haneng, sngewbha ban ai jingtip kloi katba lah ha u President ne Secretary ba kin leh iakaba donkam.Ha katei ka sngi ka Youth Wing kan pynkup burom ruh ïa u MLA Mawthadraishan, MLA Mairang bad MDC Mawthad raishan Constituency kiba la ïakhun ban wanrah iaka Eastern West Khasi Hills District kaba ai jingmyntoi shikatdei eh ïaki paitbah jongkine ki ar tylli ki Constituency.

Leave A Reply

Your email address will not be published.