Shillong, Nailur 20 : Kum shi bynta ka jingrakhe ïa ka jingïaid lynti kaba 127 snem, ka Assam Club, Laban Shillong kan pynlong ïa ka jingai jingsumar ei ha ka 23tarik mynta u bnai naduh ka por 10:00 baje mynstep haduh ka por 1:00 baje nohphaisngi.
Kane ka long kum shi bynta ka jingpyrshang jong ka Assam Club Shillong ban wanrah ïa ka jingsumar kaban ai jingmyntoi ïa baroh. Ha kane ka sngi kin don ki doktor bad nongsumar kiba tbit na Shillong bad Guwahati kiban wan ai jingsumar ei ha katei ka sngi khlem ka jingïapher niam ne jaidbynriew.
La pyntip ruh ba kin don bun jait ki test bad ki rukom ai jingsumar ban pynlong ha katei ka sngi nalor ka jingsam ei ïa ki dawai sha kito kiba donkam.
