Shillong, Nailur 20 : Ki longkmie BJP ha ka jylla ki la lehkmen ha kane ka sngi Balang bad ai khublei ruh ïa u Myntri Rangbahduh ka Ri u Narendra Modi halor ka jingwanrah bad mynjur ïa ka Women Reservation Bill ha Lok Sabha.
Ha ka kyrwoh ba la phah da ka President jong ka BJP Mahila Morcha, Kong S Pariat ka la ong ba ki sngewkmen ba na ka Ïing Dorbar ba thymmai (Parliament) ki la wanrah ïa ka aiñ rew kaba khraw na bynta ki longkmie.
“Baroh shi katta kiwei ki party ki la shu kular tang ha ki rmiang shyntur halor ka Women’s Bill hynrei ka BJP ka la leh ïa ka,” la bynrap shuh shuh ka kyrwoh.
Shuh shuh ka la ong ruh ba dei tang u Modi kum u Myntri Rangbahduh uba leh ïa kaei kaba u ong.
